VisaFillMaxfiylik siyosati
Oxirgi yangilanish: 2026-yil 1-oktabr
VisaFill — turoperatorlar uchun Chrome kengaytmasi va unga xizmat ko'rsatuvchi server. U pasport rasmlarini o'qiydi va Saudiya Arabistoni eVisa saytidagi (visa.visitsaudi.com) formani to'ldiradi. Bu sahifa qanday ma'lumot nima uchun ishlatilishini tushuntiradi.
1. Qanday ma'lumotlar qayta ishlanadi
| Ma'lumot | Qayerda | Qancha saqlanadi |
|---|---|---|
| Pasport rasmi | O'qish uchun serverimizga va OpenAI'ga yuboriladi | Serverimizda saqlanmaydi (faqat xotirada, o'qish davomida) |
| Pasportdan o'qilgan ma'lumot (ism, raqam, sanalar) va 200×200 rasm | Brauzeringizda (kengaytma xotirasi); serverda — javob nusxasi | Brauzerda — siz o'chirguncha («Tozalash»); serverda — 1 kun (takroriy so'rovda ikki marta pul yechilmasligi uchun), keyin o'chiriladi |
| Siz kiritgan arizachi ma'lumotlari (manzil, kasb, safar sanalari) | Faqat brauzeringizda | Siz o'chirguncha |
| Hisob: Telegram ID, username, ism | Serverimizda | Hisob faol ekan |
| Hisob-kitob: balans, har bir o'qish sanasi va natijasi (pasport ma'lumotisiz), to'lovlar | Serverimizda | Buxgalteriya hisobi uchun |
| Diagnostika: kengaytma jurnali (ism va pasport raqamlari #1, #2 bilan almashtiriladi) va eVisa sahifasi tuzilishi (maydon nomlari, qiymatlarsiz) | Serverimizda | 7 kun — xatolarni tuzatish uchun |
2. Nima uchun
- Pasport ma'lumotlarini o'qish va eVisa formasini to'ldirish — xizmatning o'zi.
- Hisobni Telegram orqali tanish, balans va to'lovlarni yuritish.
Ma'lumotlar reklama uchun ishlatilmaydi va sotilmaydi.
3. Uchinchi tomonlar
- OpenAI — pasport rasmini matnga o'giradi (API orqali). OpenAI API ma'lumotlarini model o'qitish uchun ishlatmaydi; o'z siyosatiga ko'ra suiiste'molni kuzatish uchun 30 kungacha saqlashi mumkin.
- Telegram — hisobga kirish va xabarlar.
- Click, Payme — balansni to'ldirish. Karta ma'lumotlari bizga kelmaydi, to'lov ularning sahifasida qilinadi.
- visa.visitsaudi.com — kengaytma formani siz ochgan sahifada to'ldiradi; arizani yuborish, deklaratsiyalar va to'lov siz tomoningizdan qilinadi.
4. Kengaytma ruxsatlari
- visa.visitsaudi.com — formani to'ldirish uchun. Boshqa saytlarda kengaytma ishlamaydi.
- visa-api.shokhsmee.uz — pasportni o'qish va balans uchun serverimiz.
- storage — arizachilar ro'yxati va sozlamalarni brauzeringizda saqlash.
- alarms — navbatdagi rasmlarni qayta yuborish va yangilanishni tekshirish.
5. Sizning huquqlaringiz
Kengaytmadagi «Tozalash» brauzerdagi barcha arizachilarni o'chiradi. Botdagi /chiqish barcha kengaytma tokenlarini bekor qiladi. Hisobni va unga bog'liq yozuvlarni o'chirish uchun botga yozing.
6. Pasport egasining roziligi
Kengaytmadan foydalanuvchi turoperator mijozlarining pasport ma'lumotlarini viza arizasi uchun qayta ishlashga rozilik olgan bo'lishi kerak.
7. Bog'lanish
Savollar va so'rovlar: Telegram @visafiller_uzbot.